Om stillinga
Vil du jobbe med hjernehelse?
Er du teknisk anlagd og liker å jobbe med pasientar? Vi søker etter ein kollega som liker å jobbe med varierande og spennande oppgåver innan funksjondiagnostikk av nervestystemet.
Avdeling for klinisk nevrofysiologi (KNF) utfører ulike testar av nervesystemet for å diagnostisere eller avkrefte sjukdom. Staben består av 9 legar og 14 nevrofysiologi - teknikarar med ulik utdanning og bakgrunn. Vi samarbeider med ingeniørar og sekretærar. Vi jobbar tett saman og har til hovudoppgåve å utføre ulike undersøkingar av pasientar sitt sentrale og perifere nervesystem. Vi er del av eit universitetsjukehus med regionfunksjon, og utfører rundt 8000 undersøkingar årleg. Vi har både polikliniske og inneliggande pasientar, og pasientane sin alder varierer frå premature kuvøsebarn til eldre menneske. Pasientkategoriane vekslar frå friske til kritisk sjuke pasientar. Vi har nyleg fått ei eiga eining i Glasblokkene som er for nyfødde, barn og unge.
...